Illa Nelson (Alasca)

Illa Nelson

Tipo	illa
Localización
División administrativa	Região Censitária de Bethel, Estados Unidos de América (pt)
60°38′21″N 164°45′01″O
Bañado por	Mar de Bering
Características
Dimensións	56 () × 68 () km
Superficie	2.180 km²

A illa Nelson (Qaluyaaq en lingua iupik de Alasca central) é unha illa na área censal de Bethel, ao suroeste de Alasca. Ten 68 km de longo e 32–56 km de longo. Cunha superficie de 2.183 km², é a 15ª illa máis grande dos Estados Unidos. Separada da parte continental de Alasca ao seu norte polo río Ningaluk, ao seu leste polo río Kolavinarak e da illa de Nunivak ao seu suroeste polo estreito de Etolin.

A illa Nelson ten tres aldeas, todas situadas na costa do mar de Bering na parte do suroeste da illa: Tununak no oeste, Toksook Bay, inclúe un tipo de barrio dormitorio suburbano chamado Umkumiut, nos límites da cidade de Toksook bay. Ao sueste de Tununak, por último atópase Nightmute no leste máis lonxe preto do bordo da illa.

Unha pista para motoneves conecta o Tununak e Nightmute no inverno. Estas tres comunidades comprenden toda a poboación da illa, 1.065 habitantes no censo de 2000. A comunidade máis grande é Toksook Bay. O resto da illa, máis do 77 por cento da súa superficie, está despoboada.

A vila de Newtok, no continente a través do río de Ningaluk ao norte da illa, está no proceso de pasar á illa Nelson, debido á erosión da capa freática na zona onde Newtok está actualmente situado.

Os nativos son do pobo yup'ik que manteñen unha dieta predominantemente tradicional, pescando e cazando boi almiscreiro e caribús.

A illa Nelson foi chamada así por Edward William Nelson, un naturalista do Instituto Smithsoniano que estudou a illa e a xente alí en 1878.

Véxase tamén

Outros artigos

• Alasca

Ligazóns externas

• Información sobre illa Nelson
• Informe sobre a reubicación de Newtok
• web da escola
• sobre a illa e o chan Arquivado 12 de agosto de 2017 en Wayback Machine.